ევროპის პროფკავშირების განათლების კომიტეტის (ETUCE) წევრმა ორგანიზაციამ, საქართველოს პედაგოგთა და მეცნიერთა თავისუფალმა პროფკავშირმა (სპმთპ) 2017 წლის 16 მარტს, თბილისში დარგობრივი ხელშეკრულების გაფორმების ხელმოწერის აღსანიშნავი, ისტორიული ღონისძიება ჩაატარა.
საქართველოს განათლებისა და მეცნიერების სამინსიტროსა და სპმთპ-ის შორის გაფორმებული დარგობრივი ხელშეკრულება აღიარებს წარმომადგენლობითობასა და პარტნიორთა პასუხისმგებლობებს, განათლების სფეროში მიმდინარე ცვლილებების პროცესში, საკანომდებლო და მარეგულირებელი დოკუმეტების შექმნაში ჩართულობას, კოლექტიურ მოლაპარაკებებსა და სოციალურ დიალოგს.
განათლების პროფკავშირისთვის ეს ფაქტი შთამბეჭდავი, წინგადადგმული ნაბიჯი და მიღწევაა, რადგან სულ რაღაც რამდენიმე წლის უკან, განათლების სამინისტროს და ყვითელი პროფკავშირების მხრიდან განხორციელებულმა ქმედებებმა და თავდასხებმა განადგურების საფრთხის წინაშე დააყენა ორგანიზაცია.
მხარეები აღიარებენ შეთანხმების მნიშვნელობასა და ETUCE-ის როლს პედაგოგთა პროფკავშირის აღდგენისა და რეაბილიტაციის საქმეში, მარტინ რომერმა მხარეებს მიულოცა თანამშრომლობის აღნიშნული ეტაპის მიღწევა და ხაზგასმით აღნიშნა, რომ შეთანხმების ამოქმედება და მისი მოთხოვნების განხორციელება შემდეგი მნიშვნელოვანი ნაბიჯი იქნება.