საქართველოს  პედაგოგთა და მეცნიერთა  თავისუფალი პროფკავშირი

isnis treningiსაქართველოს პედაგოგთა და მეცნიერთა თავისუფალი პროფკავშირის, ისნის რაიონული ორგანიზაცია აგრძელებს საგანმანათლებლო სისტემაში დასაქმებულთა კარიერულ წინსვლაზე ზრუნვას. მიმდინარე წლის 24 მარტს, ისნის რაიონული ორგანიზაციის ბაგა-ბაღებში დასაქმებულთათვის ჩატარდა ტრენინგი თემაზე: “სკოლამდელი ასაკის ბავშვთა ინკლუზია”.

ისნის რაიონული ორგანიზაციის თავმჯდომარის, ქეთევან ხეტეშვილის მიერ ორგანიზებულ სემინარს, 32 მონაწილე ესწრებოდა.

ტრენინგს “სკოლამდელი ასაკის ბავშვთა ინკლუზიას” სპმთპ-ის საგანმანათლებლო დაწესებულებებში დასაქმებულთა პროფესიული განვითარების ცენტრის ტრენერი, ანასტასია ამისულაშვილი ხელმძღვანელობდა.

თავად ტრენინგის მოდულის თემატიკა მოიცავს, როგორც თეორიულ, ასევე პრატიკულ ნაწილს. ტრენერმა მონაწილეებთან ერთად, ასევე განიხილა საკითხი - პრობლემური ქცევა და მართვის სტრატეგიები.

ანასტასია ამისულაშვილმა მონაწილეებს, რეალურ მაგალითებზე დაყრდნობით, ჯგუფური პრეზენტაციები მოამზადებინა. აღნიშნული პრაქტიკული სამუშაოები, უადვილებთ ბაგა-ბაღებში დასაქმებულებს ბავშვებთან ურთიერთობას, ასევე ჯგუფური პრეზენტაციები ხელს უწყობს, კოლეგებს შორის საკუთარი გამოცდილების გაზიარების პროცესს.

ტრენინგს-”სკოლამდელი ასაკის ბავშვთა ინკლუზიას” სამომავლოდ, სპმთპ-ის ისნის რაიონული ორგანიზაცის მომდევნო ჯგუფი ელოდება.