სპმთპ-ის ცენტრალური აპარატი და ა(ა)აიპ „საგანმანათლებლო დაწესებულებებში დასაქმებულთა პროფესიული განვითარების ცენტრი“ აქტიურად განაგრძობს მასწავლებლების პროფესიული განვითარებისა და გაძლიერების კუთხით, დისტანციური (ონლაინ) ტრენინგების ჩატარებას.
მიმდინარე წლის 18-19 ივლისს , სპმთპ-ის გლდანის რაიონული ორგანიზაციის პროფწევრთა მოთხოვნითა და ინიციატივით, სკოლამდელი აღზრდის მიმართულებით, დაიგეგმა დისტანციური (ონლაინ) ტრენინგი თემაზე : „სკოლამდელი ასაკის ბავშვთა ინკლუზია“, რომელშიც ჩართული იყო თბილისის N185 , N190 და N216 ბაგა-ბაღის 45 პროფწევრი, რომლის ტრენერი იყო ანასტასია ამისულაშვილი.
ტრენინგის მსვლელობის დროს, განსაკუთრებით აქტუალური საკითხი იყო ბავშვთა რთული ქცევა და ქცევის მართვის სტრატეგიები. მიუხედავად ტრენინგის დისტანციური ფორმატისა, ჯგუფი ძალიან აქტიური და მოტივირებული იყო, ტრენინგი კითხვა-პასუხის რეჟიმში წარიმართა.
სპმთპ-ის გლდანის რაიონული ორგანიზაცია მადლობას უხდის სპმთპ-ის პრეზიდენტს მაია კობახიძეს , ცენტრალურ აპარატს, ტრენინგცენტრის დირექტორს მარიამ მკალავიშვილს და ტრენერს ანასტასია ამისულაშვილს ნაყოფიერი და საინტერესო ტრენინგისთვის.
აქტიურად გრძელდება სპმთპ გლდანის რაიონული ორგანიზაციის პროფწევრთა გადამზადება. ერთად ყველა დაბრკოლება დაძლევადია .მადლობა ერთგულებისა და თანადგომისათვის.