2026 წლის 17 ივნისს ჩატარდა საქართველოს პედაგოგთა და მეცნიერთა თავისუფალი პროფკავშირის (სპმთპ) ჭიათურის რაიონული ორგანიზაციის XI საანგარიშო-საარჩევნო კონფერენცია

კონფერენციის მიმდინარეობა და ძირითადი აქცენტები

კონფერენციაზე სპმთპ-ის ჭიათურის რაიონული ორგანიზაციის თავმჯდომარემ, დალი სამხარაძემ, წარადგინა 2022 წლის ივნისიდან 2026 წლის ივნისამდე გაწეული მუშაობის ანგარიში. დელეგატებმა იმსჯელეს სისტემაში მიმდინარე აქტუალურ საკითხებზე და დააფიქსირეს საკუთარი პოზიციები.

• დელეგატებსა და მოწვეულ სტუმრებს მიესალმა ჭიათურის საგანმანათლებლო რესურსცენტრის უფროსი, თეიმურაზ ჭუმბურიძე. მან ხაზგასმით აღნიშნა მასწავლებელთა უდიდესი როლი განათლების სისტემის განვითარებაში და მადლიერება გამოხატა პროფკავშირის მიმართ პედაგოგთა მუდმივი მხარდაჭერისთვის.

• სპმთპ-ის საკონსულტაციო საბჭოს თავმჯდომარემ, როლანდ ხოჯანაშვილმა, თავის გამოსვლაში ისაუბრა მასწავლებელთა კვალიფიკაციის ამაღლების, მიმდინარე ტრენინგებისა და მათი ეფექტურობის მნიშვნელობაზე.

• სპმთპ-ის პრეზიდენტმა, მაია კობახიძემ, ვრცლად ისაუბრა პედაგოგთა სოციალურ-ეკონომიკური მდგომარეობის გაუმჯობესების მიზნით მიღწეული საკანონმდებლო ინიციატივების შესრულებაზე, სამართლებრივ ასპექტებსა და სხვა მნიშვნელოვან საკითხებზე.

დისკუსიის დროს დელეგატებმა კიდევ ერთხელ დაადასტურეს მზაობა არსებული გამოწვევების ერთობლივად დაძლევისთვის და გამოხატეს დიდი იმედი და სრული ნდობა სპმთპ-ის სამომავლო გეგმების მიმართ.

არჩევნები და დაჯილდოება

კონფერენციის დელეგატებმა ერთხმად გამოხატეს სრული ნდობა დალი სამხარაძის მიმართ და მას მომავალი ოთხწლიანი მანდატი გადასცეს — იგი კვლავ რაიონული ორგანიზაციის თავმჯდომარედ აირჩიეს.

ასევე, კონფერენციამ დაამტკიცა:

1. სპმთპ-ის ჭიათურის რაიონული საბჭოს შემადგენლობა;

2. საფინანსო-სარევიზიო კომისიის შემადგენლობა;

3. ყრილობის დელეგატები;

4. რაიონული საბჭოს თავმჯდომარის მოადგილე.

კონფერენციის დასასრულს, სპმთპ-ის პრეზიდენტმა მაია კობახიძემ დალი სამხარაძეს პროფკავშირულ საქმიანობაში შეტანილი განსაკუთრებული ღვაწლისთვის საპატიო ჯილდო გადასცა. ორგანიზაციაში აქტიური და ნაყოფიერი მუშაობისთვის საპატიო სიგელებით დაჯილდოვდნენ პროფკავშირის წევრები.