მასწავლებლის საერთაშორისო დღესთან დაკავშირებით სპმთპ-ს ოზურგეთის რაიონული ორგანიზაციის თავმჯდომარემ, ქალბატონმა როზა გოგუაძემ დამსახურებულ, ასაკოვან პედაგოგებს პროფესიული დღე მიულოცა. როზა გოგუაძე მომავალი თაობის აღზრდაში შეტანილი განსაკუთრებული წვლილისთვის ქალაქ ოზურგეთის საჯარო სკოლების პედაგოგებს: ნუნუ კუნჭულიას, ლუბა კიღურაძეს, მერი გოგუაძეს, დარეჯან დათუნაშვილს, ზინა ჟღენტს, ლამარა თავდიშვილსა და დუშა დარჩიას სახლში ეწვია და სიმბოლური საჩუქრები გადასცა.