2018 წლის 3 თებერვალს, სპმთპ-ის ვიცე-პრეზიდენტები: ნათია კორძაძე და მარი ალუღიშვილი, სპმთპ-ის ბაღდათის რაიონული ორგანიზაციის თავმჯდომარის მოვალების შემსრულებლის, თეა თავაძის ინიციატივითა და ორგანიზებით, ბაღდათის კულტურის სახლში, ბაღდათის მუნიციპალიტეტის საბავშვო ბაგა-ბაღებში დასაქმებულებს შეხვდნენ.საინფომრაციო შეხვედრას ბაღდათის მუნიციპალიტეტის 14 საბავშვო ბაღის 40-მდე თანამშრომელი ესწრებოდა. შეხვედრის მიზანი იყო „სკოლამდელი აღზდის და განათლების კანონისა” და მის საფუძვლეზე მიმდინარე პროცესების გაცნობა.
მარი ალუღიშვილმა აღნიშნული კანონის მნიშნვლობასა და მისი მიღების პროცესში სპმთპ-ის ჩართულობაზე ისაუბრა. კერძოდ, აღნიშნულ კანონში სპმთპ-ის ინიციატივითა და ძალისხმევით შევიდა მუხლი, რითაც სკოლამდელ დაწესებულებებში დასაქმებულთა შრომითი ხელშეკრულებების პირობების დარეგულირება მოხდება პროფკავშირის მონაწილებით, რაც არის გარანტია იმისა, რომ არ მოხდება დასაქმებულის შრომითი უფლებების დარღვევა.
სპმთპ-ის ვიცე-პრეზიდენტი, ნათია კორძაძე სკოლამდელი დაწესებულებების წარმოადგენლებს დეტალურად ესაუბრა კანონისა და კანონქვემდებარე აქტების შემუშავების პროცესებსა და თანმდევ გარემობებზე.
მსჯელობა კითხვა-პასუხის რეჟიმში წარიმართა.
შეხვედრას ესწრებოდა სპმთპ-ის საორგანიზაციო დეპარტამენტის კოორდინატორი, ანასტასია ამისულაშვილი. მან იმ ტრენინგებზე და სემინარებზე ისაუბრა, რომლებსაც პროფკავშირი საგანმანათლებლო დაწესებულებებში დასაქმებული სპმთპ-ის წევრების პროფესიული განვითარებისთვის და მათი კვალიფიკაციის ამაღლებისთვის ახორციელებს.
შეხვედრის დასასრულს დაიგეგმა მომავალი შეხვედრები ბაღდათის მუნიციპალიტეტის ბაგა-ბაღებში მეტი გააქტიურებისა და სპმთპ-ის პროგრმებისა და სტრატეგიების ადგილზე გაცნობის მიზნით.