მიმდინარე წლის ოქტომბრის თვეში სპმთპ-ის ზუგდიდის რაიონული ორგანიზაციის თავმჯდომარის ცირა გულუას ორგანიზებით გაიმართა ტრენინგი ზუგდიდის მუნიციპალიტეტის საგანმანათლებლო დაწესებულებების ბუღალტრებისათვის.
ტრენინგს ესწრებოდა საგანმანათლებლო დაწესებულების, როგორც საჯარო სკოლების ასევე სკოლამდელი დაწესებულებების გაერთიანების ბუღალტრები. ტრენინგი წარმართა სპმთპ-ის ვიცე-პრეზიდენტმა საფინანსო დარგში ნათია კორძაძემ. სემინარის მსვლელობისას განიხილებოდა საკითხები საგანამანათლებლო დაწესებულებებში დასაქმებულთა შრომის ანაზღაურების, საავადმყოფო ფურცლის (ბიულეტენი), დეკეტული შვებულებისა და კუთვნილი ანაზღაურებადი/ანაზღაურების გარეშე შვებულებების გამოანგარიშების წესის შესახებ.
სემინარის მონაწილეებმა ისაუბრეს საქართველოს სახელმწიფო შესყიდვების კანონთან დაკავშირებული სირთულეების შესახებ. აქედან გამომდინარე სპმთპ-ის ზუგდიდის რაიონული ორგანიზაციის მიერ დაიგეგმა შემდგომი სემინარი თემაზე - „სახელმწიფო შესყიდვები საგანმანათლებლო დაწესებულებებში“.